Yoga Vasistha — Utpatti Prakarana (Creation), Sarga 52, Verses 6–9

वसिष्ठविप्रगेहेऽन्तर्विन्ध्याद्रिग्रामके स्थितम् । वसिष्ठविप्रगेहेन्तः शवगेहजगत्स्थितम् ॥ ६ ॥ शवगेहजगत्कुक्षाविदं गेहजगत्स्थितम् । एवमेष महारम्भो जगत्त्रयमयो भ्रमः ॥ ७ ॥ त्वया मयाऽनयाऽनेन संयुक्तः सार्णवावनिः । गिरिग्रामकदेहान्तर्मध्ये गगनकोशके ॥ ८ ॥ स्वात्मैव कचति व्यर्थो न कचत्येव वा क्वचित् । तत्पदं परमं विद्धि नाशोत्पादविवर्जितम् ॥ ९ ॥