Yoga Vasistha — Utpatti Prakarana (Creation), Sarga 77, Verses 12–15

गुहासु सुप्तसिंहाढ्या कुञ्जेषु स्वपदेणका । खे सावश्यायनिकरा विपिने मौनचारिणी ॥ १२ ॥ कज्जलाम्भोदमध्याभा काचशैलोदरोपमा । पङ्कपिण्डान्तरघना खड्गच्छेद्यान्ध्यमांसला ॥ १३ ॥ प्रलयानिलविक्षुब्धकज्जलाचलचञ्चला । एकार्णवमहापङ्कपर्वतोदरमेदुरा ॥ १४ ॥ अङ्गारकोटरघना सौषुप्तपदसुन्दरी । अज्ञाननिद्रानिबिडा भृङ्गपृष्ठच्छदच्छविः ॥ १५ ॥