Yoga Vasistha — Nirvana Prakarana Purva (Liberation, Part 1), Sarga 115, Verses 40–42

नित्योदितं विमलरूपमनन्तमाद्यं ब्रह्मास्ति नेतरकलाकलनं हि किंचित् । इत्येव भावय निरञ्जनतामुपेतो निर्वाणमेहि सकलामलशान्तवृत्तिः ॥ ४० ॥ अनामयं ब्रह्म समस्तकल्प कार्यैकबीजं परमात्मरूपम् । बृहच्च तद्ब्रंहितसर्वभावं खमस्ति भातीह यदङ्ग किंचित् ॥ ४१ ॥ अन्यत्क्वचित्किंचिदिदं कदाचिन्न संभवत्येव सदप्यसच्च । इत्येव साधो दृढनिश्चयोऽन्तः स्थित्वा गताशङ्कविलासमास्स्व ॥ ४२ ॥