Yoga Vasistha — Utpatti Prakarana (Creation), Sarga 16, Verses 25–28

इत्याकर्ण्य द्विजमुखाच्चिन्तयामास सा पुनः । इदं स्वप्रज्ञयैवाशु भीता प्रियवियोगतः ॥ २५ ॥ मरणं भर्तुरग्रे मे यदि दैवाद्भविष्यति । तत्सर्वदुःखनिर्मुक्ता संस्थास्ये सुखमात्मनि ॥ २६ ॥ अथ वर्षसहस्रेण भर्तादौ चेन्मरिष्यति । तत्करिष्ये तथा येन जीवो गेहान्न यास्यति ॥ २७ ॥ तद्भ्रमद्भर्तृजीवेऽस्मिन्निजे शुद्धान्तमण्डपे । भर्त्रा विलोकिता नित्यं निवत्स्यामि यथासुखम् ॥ २८ ॥