Yoga Vasistha — Sthiti Prakarana (Existence), Sarga 11, Verses 70–74

काश्चिच्चला नरमृगगृध्रजम्बुलकादिकाः । स्फुरन्ति गिरिकुञ्जेषु वेलावनतटेष्विव ॥ ७० ॥ सुदीर्घजीविताः काश्चित्काश्चिदत्यल्पजीविताः । अतुच्छकलनाः काश्चित्काश्चित्तुच्छशरीरकाः ॥ ७१ ॥ संसारस्वप्नसंरम्भे काश्चित्स्थैर्येण भाविताः । सुविकल्पहताः काश्चिच्छङ्कन्ते सुस्थिरं जगत् ॥ ७२ ॥ अल्पाल्पभावनाः काश्चिद्दैन्यदोषवशीकृताः । कृशोऽतिदुःखी मूढोऽहमितिदुःखैर्वशीकृताः ॥ ७३ ॥ काश्चित्स्थावरतां याताः काश्चिद्देवत्वमागताः । काश्चित्पुरुषतां प्राप्ताः काश्चिदर्णवतां गताः ॥ ७४ ॥