Yoga Vasistha — Upashama Prakarana (Dissolution), Sarga 41, Verses 27–30

अथैनं हरिराहूतैः क्षीरोदाद्यैर्महाब्धिभिः । गङ्गादिभिः सरित्पूरैः सर्वतीर्थजलैस्तथा ॥ २७ ॥ सर्वविप्रर्षिसङ्घैश्च सर्वसिद्धगणैः सह । पुनर्विद्याधरयुतो लोकपालसमन्वितः ॥ २८ ॥ अभ्यषिञ्चदमेयात्मा दैत्यराज्ये महासुरम् । मरुद्गणैः स्तूयमानं पूर्वं स्वर्गे हरिं यथा ॥ २९ ॥ सुरासुरैः स्तूयमानं स्तूयमानः सुरासुरैः । अभिषिक्तमुवाचेदं प्रह्लादं मधुसूदनः ॥ ३० ॥