Yoga Vasistha — Upashama Prakarana (Dissolution), Sarga 58, Verses 35–38

तिष्ठदेव मनोरूपं परित्यक्ष्यति तेऽनघ । कलङ्कविकलं कालं मन्वन्तरगताविव ॥ ३५ ॥ अनुकम्प्या भविष्यन्ति श्रीमन्तः सर्व एव ते । दृष्टतत्त्वस्य तुष्टस्य जनाः पितुरिवावनौ ॥ ३६ ॥ विवेकदीपदृष्टात्मा मेर्वब्धिनभसामपि । अधो करिष्यसि नृप महत्तामुत्तमार्थदाम् ॥ ३७ ॥ महत्तामागते चेतस्तव संसारवृत्तिषु । न निमज्जति हे साधो गोष्पदेष्विव वारणः ॥ ३८ ॥