Yoga Vasistha — Nirvana Prakarana Uttara (Liberation, Part 2), Sarga 208, Verses 24–27

जरामरणहन्तृणि क्षणान्यत्र पृथक्पृथक् । भवन्त्विति यथैतानि सन्ति त्वत्कल्पनापुरे ॥ २४ ॥ ब्रह्मसंकल्पनगरे स्वभावा उदितास्तथा । ओषधीनां पदार्थानां सर्वेषां च जगत्त्रये ॥ २५ ॥ न संकल्पयिता राजन्संकल्पनगरे स्वयम् । तृणं तृणं कल्पयति बालः क्रीडनकानिव ॥ २६ ॥ स्वयं स्वभाव एवैष चिद्धनस्यास्य सुस्फुटम् । यद्यत्संकल्पयत्याशु तत्र तेऽवयवा अपि ॥ २७ ॥