Yoga Vasistha — Nirvana Prakarana Uttara (Liberation, Part 2), Sarga 214, Verses 43–46

स्रग्दामतारविगलत्कुसुमासारपाण्डुराः । धारापातितविच्छिन्नहारमुक्तास्खलत्पदाः ॥ ४३ ॥ लोलाभरणसाकारं कामं ननृतुरङ्गनाः । पेठुः स्फुटपदं विप्रा बन्दिनोऽप्यङ्गनाश्च ताः ॥ ४४ ॥ पपुरुत्ताण्डवं पानं पानपा मदशालिनः । भोज्यं बुभुजिरे चित्रं भूषिता भोजनार्थिनः ॥ ४५ ॥ सुधादिपरिलेपेन रञ्जिता गृहभित्तयः । रेजू रामेन्दुभानेन पुष्पधूपविलेपनैः ॥ ४६ ॥