Yoga Vasistha — Utpatti Prakarana (Creation), Sarga 91, Verses 42–45

सर्वं स्याज्जाड्यमप्यस्याश्चितिश्चित्त्वं च वेत्सि तत् । चिद्भागोंशोऽवबोधस्य त्वहंताजडतोदयः ॥ ४२ ॥ अहंतादिपरे तत्त्वे मनागपि न विद्यते । ऊर्म्यादीव पृथक्तोये संवित्सारं हि तद्यतः ॥ ४३ ॥ अहंप्रत्ययसंदृश्यं चेत्यं विद्धि समुत्थितम् । मृगतृष्णाम्ब्विवान्तस्थं नूनं विद्यत एव नो ॥ ४४ ॥ अहंतापदमन्तात्मपदं विद्धि निरामयम् । विदं विदुरहंतादि शैत्यमेव यथा हिमम् ॥ ४५ ॥