Yoga Vasistha — Nirvana Prakarana Purva (Liberation, Part 1), Sarga 126, Verses 97–100

बहुनात्र किमुक्तेन संक्षेपादिदमुच्यते । संकल्पनं परो बन्धस्तदभावो विमुक्तता ॥ ९७ ॥ सर्वमेवमजं शान्तमनन्तं ध्रुवमव्ययम् । पश्यन्भूतार्थचिद्रूपं शान्तमास्व यथासुखम् ॥ ९८ ॥ अवेदनं विदुर्योगं शान्तमासितमक्षयम् । योगस्थः कुरु कर्माणि निर्वासनोऽथ मा कुरु ॥ ९९ ॥ अवेदनं विदुर्योगं चित्तक्षयमकृत्रिमम् । अत्यन्तं तन्मयो भूत्वा तथा तिष्ठ यथासि भो ॥ १०० ॥