Yoga Vasistha — Nirvana Prakarana Purva (Liberation, Part 1), Sarga 89, Verses 1–7

चूडालोवाच । अथेममपरं रम्यं वृत्तान्तं शृणु भूमिप । परं प्रबोधनं बुद्धेः साधो सदृशमात्मनः ॥ १ ॥ अस्ति विन्ध्यवने हस्ती महायूथपयूथपः । आगस्त्या शुद्धया बुद्ध्या विन्ध्येनेवोदितः स्वतः ॥ २ ॥ वज्रार्चिर्विषमौ दीर्घौ तस्यास्तां दशनौ सितौ । कल्पानलशिखातुल्यौ सुमेरून्मूलनक्षमौ ॥ ३ ॥ स बद्धो लोहजालेन हस्तिपेन किलाभितः । मुनीन्द्रेणेव विन्ध्याद्रिरुपेन्द्रेणेव वा बलिः ॥ ४ ॥ निबद्धो यन्त्रणामाप शस्त्रकुम्भर्दितो गजः । तां जगाम व्यथां धीरो नवाग्नौ पुरमेति याम् ॥ ५ ॥ रिपौ हस्तिपके दूरादपश्यति स वारणः । अयःसमुद्गके यस्मिन्निनाय दिवसत्रयम् ॥ ६ ॥ खेदान्निगडनिर्भेदे यत्नवान्स मतंगजः । चकार किकिणीक्वाणं मुखोद्धातैरथान्यदा ॥ ७ ॥