Yoga Vasistha — Nirvana Prakarana Purva (Liberation, Part 1), Sarga 93, Verses 55–58

सर्वत्यागो हि शून्यात्मा आश्रयः सर्वसंविदाम् । अनन्तानामुदाराणां खमिवेदं दिवौकसाम् ॥ ५५ ॥ सर्वत्यागरसापाने जरामरणभीतयः । न काश्चन प्रबाधन्ते खस्येव व्योमलेखिकाः ॥ ५६ ॥ सर्वत्यागो महत्त्वस्य कारणं निर्मलद्युतेः । सर्वं त्यजसि चेद्यस्माद्बुद्धिस्थैर्यं बृहत्तमम् ॥ ५७ ॥ सर्वत्यागः परानन्दो दुःखमन्यत्सुदारुणम् । इत्योमित्युररीकृत्य यदिच्छसि तदाचर ॥ ५८ ॥